Të gjithë e kemi një person përreth që nuk i mban dot sekretet, as të vetat dhe as të të tjerëve. Kjo e metë e personalitetit të tyre nuk na bën t’i duam më pak, ama na bën më të kujdesshëm me gjërat që themi dhe se ku “rrëfehemi”.
Sigurisht, ndikon pak edhe shenja e horoskopit, ndaj me shumë gjasa, miku/ja që s’i mban gjë barku është një prej këtyre shenjave:
Binjakët
Meqë ka si planet udhëheqës Mërkurin, planetin e komunikimit, një person i shenjës së Binjakëve cilësohet si një individ që vdes të merret me fjalë. Nuk ka faj fare, pasi është në ADN-në e Binjakëve që të tregojnë sekretet e njerëzve përreth.
Gjithsesi, mos ia merr për keq, sepse ndonjëherë thashethemet thjesht rrjedhin nga goja e një personi që është Binjakët dhe kujtohet shumë vonë që sapo ka nxjerrë një sekret.
Akrepi
Mund të çuditesh që Akrepi është në këtë listë, por shenja misterioze lë kokën për drama! Akrepi vdes të tregojë gjëra dhe të marrë informacione lart e poshtë dhe s’e ka fare problem të të manipulojë aq bukur, sa të ta nxjerrë ndonjë të fshehtë.
Shigjetari
Shigjetari emocionohet aq shumë kur i thua një sekret sa thjesht s’rri do pa ia treguar botës. Nga ana tjetër, është një shenjë super e sinqertë dhe ndoshta si pa të keq, u tregon të tjerëve sekretin tënd, duke dashur të japë një shembull konkret.
