Banka Qendrore Kineze (PBOC) ka filluar të vendosë masa për të mbështetur likuiditetin në tregu dhe ekonominë në tërësi, e cila është vënë në provë nga koronavirusi. Në sistem janë injektuar 150 miliardë juanë, e barabartë me 19.3 miliardë euro, shumë kjo e futur përmes marrëveshjeve të riblerjes së bonove 7 dhe 14-ditore.
Marrëveshjet e riblerjes me norma më të ulëta shërbejnë për të “siguruar likuiditet të bollshëm gjatë kësaj periudhe të veçantë të kontrollit të virusit”, tha Banka Qendrore Kineze, e cila do të vazhdojë të “monitorojë nga afër” likuiditetin në tregje. PBOC injektoi 1 200 miliardë juanë në marrëveshje të tilla me afat 7 dhe 14-ditor me një efekt neto prej 150 miliardë si bono që maturohen në 1 050 miliardë juanë në të njëjtën kohë. Këshilltari i Bankës Qendrore Ma Jun tregoi se normat e huazimit afatmesëm të muajit shkurt pritet gjithashtu të bien, raporton Bloomberg.
Shkëmbimet e aksioneve kineze, midis Shangait dhe Shenzhen-it, shkaktuan një humbje prej 420 miliardë dollarë në drejtim të kapitalizimit, që erdhi nga frika e koronavirusit të Vuhan: në ditën e parë të tregtimit pas pushimit të gjatë të Vitit të Ri Kinez, Shanghai humbi 7.72%, Shenzheni 8.41%.
Kërkesa e Kinës për naftë ka rënë me rreth 3 milion fuçi në ditë, e barabartë me 20% të nevojave totale, për shkak të efekteve në ekonomi të masave për frenimin e përhapjes së epidemisë. Bloomberg citon menaxherët e lartë të grupeve të naftës kineze dhe perëndimore. Kjo është ndoshta tronditja më e rëndë që ka pësuar kërkesa për naftë që nga kriza financiare në 2008-2009, dhe më e papritura që nga sulmi në Kullat Binjake.
