Koronavirusi do të infektojë një pjesë të madhe të popullsisë. Kështu citohet nga e përditshmja “Bild”, kancelarja gjermane, Angela Merkel.
“Rreth 60-70% të popullsisë në Gjermani do të infektohet me virus“, ka deklaruar Merkel gjatë një takimi të brendshëm të grupit parlamentar CDU-CSU në Berlin, sipas gazetës.
Sipas “Bild”, kur tha këto fjalë, mes politikanëve në mbledhje ra heshtja.
Ministri i Shëndetësisë në Gjermani, Jens Spahn, konfirmoi shifrat e kancelares nëse vaksina nuk zhvillohet përpara se koronavirusi të përhapet gjerësisht në Evropë.
Deri më sot, Gjermania me 82,9 milionë banorë ka të regjistruar vetëm 2 viktima nga koronavirusi.
Sipas OBSH-së, koronavirusi gjendet në 30 vende të Evropës, ku janë regjistruar më shumë se 17 000 raste dhe janë shënuar mbi 700 viktima.
Në Shqipëri, rastet e konfirmuara me koronavirus janë 10.
