Kryetari i Bashkisë së Gjirokastrës, Flamur Golemi ka rezultuar i infektuar me koronavirusin Covid-19.
Flamur Golemi, i cili është mjek në profesion, ndodhet i izoluar dhe do të qëndrojë i karantinuar sipas protokollove të përcaktuara nga autoritetet. Ai është në gjendje të mirë shëndetësore.
Ndërkohë, një ditë më parë u shënua numri më i lartë i viktimave në të gjithë vendin që nga fillimi i pandemisë.
Ministria e Shëndetësisë bëri me dije se 7 persona kishin humbur jetën dhe 284 ishin raste të reja infeksioni.
