Kuvendi ka votuar në një seancë të posaçme parlamentare ndryshimet në kabinetin qeveritar.
Ajo që ra në sy gjatë votimeve në parlament ishte vota kundër e deputetit socialist Erion Braçe, për shkarkimin e Olta Xhaçkës si ministre e Jashtme.
Votimi i shkarkimit të Xhaçkës mori 95 vota pro dhe 1 kundër, e cila ishte e deputetit Braçe.
Pas miratimit në Kuvend, ministrat e rinj do të betohen nesër te Presidenti i Republikës.
Kryeparlamentarja Lindita Nikolla nuk pranoi kërkesën e Gazment Bardhit për debat mbi ndryshimin e ministrave.
Emërimet:
Arbjan Mazniku emërohet Ministër i Shtetit për pushtetin vendor me 73 pro, 35 kundër nga opozita
Albana Koçiu emërohet Ministre e Shëndetësisë me 73 vota pro, 1 abstenim, 32 kundër
Igli Hasani emërohet Ministër për Evropën dhe Punët e Jashtme me 74 vota pro, 33 kundër
Ogerta Manastirliu emërohet Ministre e Arsimit dhe Sportit me 72 vota pro, 35 vota kundër dhe 1 abstenim.
Anila Denaj emërohet Ministre e Bujqësisë dhe Zhvillimit Rural 73 vota pro, 27 kundër.
