Tani që lufta më e gjatë ka përfunduar, Amerika po kërkon heronjtë e saj. Njëri prej tyre është Chris Donahue, ushtari i fundit amerikan që u largua nga Afganistani. Departamenti i Mbrojtjes e kujton atë me një postim të thjeshtë në Twitter, por me ndikim jo të vogël.
Gjeneral major i divizionit të 82 duket i portretizuar nga një aparat fotografik i natës, me ngjyrën tipike të zezë dhe të gjelbër të pajisjeve ushtarake, ndërsa teksti është konciz dhe tregon se ai është i fundit që largohet nga vendi me avionin e mallrave C-17 që u ikën nga Kabuli të hënën në mbrëmje.
The last American soldier to leave Afghanistan: Maj. Gen. Chris Donahue, commanding general of the @82ndABNDiv, @18airbornecorps boards an @usairforce C-17 on August 30th, 2021, ending the U.S. mission in Kabul. pic.twitter.com/j5fPx4iv6a
— Department of Defense 🇺🇸 (@DeptofDefense) August 30, 2021
Komandant amerikan i Divizionit të 82-të Ajror të Ushtrisë, e njëjta njësi që zbarkoi në Sicili dhe Salerno gjatë Luftës së Dytë Botërore, Donahue, ishte asistent i Shefit të Shtabit të Përgjithshëm të Pentagonit.
Ai komandoi grupin e punës së përbashkët në mbështetje të “Operation Freedom’s Sentinel” në Afganistan. Gjatë karrierës së gjatë ushtarake, ai ka kryer operacione në Irak, Siri, Afrikën e Veriut dhe Evropën Lindore.
Donahue kishte mbërritur në Afganistan në fillim të këtij muaji për të menaxhuar operacionet tokësore të misioneve të shumta të evakuimit dhe tani që të gjithë janë evakuuar, ai ka qenë i fundit që ka lënë tokën afgane.
Nga 14 gushti deri më sot, Shtetet e Bashkuara të Amerikës kanë transportuar mbi 122,000 njerëz nga vendi, përfshirë gjashtë mijë shtetas amerikanë. Donahue ishte i fundit.
