Kur Apple prezantoi iPhone XS, XS Max dhe XR vitin e kaluar, shumica e analistëve menduan se do të ishte XR më i dobët në kërkesë. Arsyeja është e thjeshtë – çmimi. Edhe pse nuk ishte një telefon i lirë, XR ështe smartphoni më i përballueshëm i Apple i asaj gjenerate, kështu që miliona ish-përdorues të iPhone që kishin nevojë për të blerë një model të ri, zgjodhën këtë pajisje të veçantë.
IPhone XR doli në shitje në tetor të vitit të kaluar, dhe megjithëse Apple nuk po lëshon më shitjet e telefonave të tij, sipas Analytics, është smartphone më i shitur në tre tremujorët e parë të 2019-ës. Sipas shifrave të shitjeve të mëparshme në dy tremujorët e parë, iPhone XR renditet i pari si telefoni më i shitur në botë, ndërsa shifrat e shitjeve të tremujorit të tretë tregojnë të njëjtin trend.
Kështu, në tremujorin e tretë të këtij viti, iPhone XR është smartphone më i popullarizuar në botë, duke zënë tre përqind të tregut, i ndjekur nga dy Samsung – A10 dhe A50. Oppo A9 zuri vendin e katërt, ndërsa iPhone 11 u rendit në vendin e pestë.
Ndërsa për pjesën tjetër të 10 telefonave më të mirë të shitur midis korrikut dhe shtatorit, pesë vendet e tjera janë Oppo A5s, Samsung Galaxy A20, pastaj një model tjetër Opp – A5 dhe Xiaomi Redmi A7 dhe Huawei P30.
