Manchester City kërkon me çdo kusht yllin e Benficas, Joao Felix. 19-vjeçari i cili zhvilloi një sezon të shkëlqyer me portugezët, ka një klauzolë të çmendur prej 106milion eurosh, por ‘Citizens’ janë gati ta paguajnë dhe të bëjnë realitet prioritetin numër 1 në listën e trajnerit Guardiola.
Romelu Lukaku është prej kohësh në radarët e Inter. Sulmuesi belg mund të largohet nga Manchester United këtë verë. Klubet kanë nisur tratativat ndërkohë që në lojë është futur edhe Napoli por 70 milion euro janë aktualisht një shifër e lartë për klubin e De Laurentis.
Federico Chiesa kërkon të vishet bardhezi. Sipas mediave italiane lojtari dhe Juventusi kanë rënë dakord për një kontratë 5 vjeçare ku Chiesa do të përfitojë 5 milionë euro në sezon. Tanimë, Zonjës i mbetet të mendojë për kartonin e 22-vjeçarit që kushton 70 milion euro.
