Zv/ministrja e Financave dhe Ekonomisë, Belinda Ikonomi, është liruar nga detyra me vendim të Këshillit të Ministrave.
Vendimi u mor sot në mbledhjen e qeverisë të drejtuar nga zv/Kryeministri Erjon Braçe.
Nuk ka një motiv për lirimin nga detyra të zv/ministres së Financave dhe Ekonomisë. Belinda Ikonomi ka qenë më herët Drejtoreshë e Përgjithshme e Doganave.
Ndër të tjera, Këshilli i Ministrave vendosi lirim nga detyra edhe të Prefektit të Gjirokastrës, Astrit Aliaj, dhe emërimin në vend të tij të Odise Kote.
