Lajmi i ndarjes nga jeta të Kobe Bryant ka tronditur botën e sportit dhe jo vetëm. Me mijëra fansa janë mbledhur që dje në mbrëmje në stadiumin “Staples Center” të Los Anxhelosit, aty ku luan skuadra e Lakers.
Ata kanë ndezur qirinj dhe vendosur lule në nderim të yllit të NBA-së, që u nda nga jeta në moshën 41-vjeçare, pas një aksidenti me helikopter. Lot e trishtim në fytyrën e fansave, të tronditur nga lajmi dhe ngjarja.
Jo vetëm në Los Anxhelos, ku Bryant luajti për 20 vjet me Lakers dhe jetonte, por thuajse në të gjithë Amerikën ka patur skena me fansa të “Black Mamba” që qanin e vendosnin lule. Dhimbja e tyre ka qenë tepër e madhe për një ikonë të NBA-së.
