Margot Robbie është në pritje të ëmbël. Burime të shumta kanë konfirmuar për revistën “People” lajmin për aktoren 34-vjeçare dhe bashkëshortin e saj, Tom Ackerley, të cilët u njohën në vitin 2013.
Në imazhet e siguruara nga tabloidi britanik “Daily Mail”, Robbie tregon barkun e saj të fryrë ndërsa ka veshur një bluzë të bardhë. Fotoja është realizuar gjatë pushimeve të çiftit në liqenin e Komos.
Bashkëshorti i Margot Robbie është një producent dhe regjisor i njohur. Së bashku ata themeluan kompaninë “Lucky Chap Entertainment” e cila ka prodhuar filma të mëdhenj duke përfshirë “Birds of Prey” dhe “Barbie”.
Dyshja u martuan në dhjetor 2016 dhe përgjithësisht e kanë mbajtur marrëdhënien e tyre larg syrit të publikut. Fejesa e tyre nuk u njoftua asnjëherë dhe ata u martuan në një ceremoni sekrete në Australi.
