Qeveria vendosi caktimin e datave 10 deri më 23 mars ditë pushimi për njërin nga prindërit kujdestar të fëmijëve.
Kjo masë reflekton atë të mbylljes për dy jave të shkollave, kopshteve e çerdheve. Nga ky vendim përfitojnë nëpunësit civilë, punonjësit e tjerë të administratës publike, në nivel qendror dhe vendor, si dhe në institucionet e tjera shtetërore.
Në të njëjtin vendim, Këshilli i Ministrave i bën thirrje punëdhënësve privatë që të gjejnë mundësitë për trajtimin me pushim të punëmarrësve të tyre, në po të njëjtat data, 10 deri më 23 mars.
Vendimi i miratuar sot nga qeveria hyn në fuqi menjëherë.
