Ashtu sikurse forma e këmbëve, buzëve apo gishtave tuaj, mënyra se si shtrëngoni grushtin flet shumë për personalitetin tuaj. Ka arsye të ndryshme përse arrini të bëni grusht duart tuaja, për shembull mund të mbani duart grusht në rast gëzimi, në mënyrë të pavetëdijshme etj. Vëreni me kujdes si mbani grushtin tuaj dhe kuptoni se çfarë tregon për personalitetin tuaj.
Grushti gjysmë i hapur
Nëse gishti i madh qëndron në gishtin tregues kur formoni grushtin tuaj, kjo do të thotë se jeni një person shumë i sjellshëm dhe bujar. Gjithashtu kjo formë grushti tregon se njerëzit mund të përfitojnë prej jush me shumë lehtësi. Jeni persona që ju pëlqen të mësoni gjëra të reja.
Grushti i mbledhur
Nëse bëni pjesë tek personat që mbani grushtin në mënyrë të tillë duke futur gishtin e madh nën gishtat e tjerë atëherë do të thotë se jeni një person shumë simpatik dhe me humor. Njerëzit pëlqejnë të qëndrojnë pranë jush. Jeni njerëz të ndjeshëm dhe bëni kujdes që njerëzit mos t’ju pengojnë me problemet e tyre.
Grusht i mbledhur me gishtin tregues lart
Nëse preferoni të mbani grushtin në këtë mënyrë kjo tregon se jeni një person shumë krijues, keni vetëbesim të lartë në vete, por në të njëjtën kohë keni frikë nga dështimi. Janë të shumtë personat që ndiqen nga ju ndërsa miqtë tuaj ju duan për ndershmërinë dhe inteligjencën tuaj.
