Sot në xhiro me fëmijët ishin edhe disa baballarë, edhe pse “rregulli” për sot ishte që të dilnin vetëm nënat me fëmijët e tyre nën moshën 10 vjeç, të cilët mund të qëndronin nga 5 e mëngjesit deri në orën 11:00 të lirë, për të bërë shëtitje pas javësh të mbyllur në shtëpi.
Disa nga baballarët u detyruan të dilnin për shkak të grave që u kanë kërkuar ndihmë, kryesisht ata me dy fëmijë të vegjël me karroca.
Të tjerë kanë injoruar rregullin, siç u shpreh njëri i cili kishte dalë në pedonale dhe tha: Nuk ka problem, do dal dhe unë më fëmijët me familjen time. Apo fëmijë të cilët fatkeqësisht nuk e kanë nënën e tyre.
Mes nënave që dolën sot, ishte dhe ministrja Manastirliu e cila doli në shëtitje me vajzën në qendër të qytetit.
Por ndër baballarët që dolën sot, ishte dhe Ministri i Shtetit për Mbrojtjen e Sipërmarrjes Eduard Shalsi, i cili doli për një xhiro me të birin e tij.
