Lionel Messi, duke përfituar nga dorëzimi i Këpucës së Artë nga “Marca”, e gjashta në karrierën e tij, foli për shumë tema të realitetit sportiv, për të ardhmen e tij dhe për shokët e tij të skuadrës si De Jong dhe Ter Stegen.
Cristiano Ronaldo dhe Zlatan Ibrahimoviç e vlerësojnë shumë veten, ndërsa ju nuk e bëni. Si ju duket vetja, si lojtar?
Më mirë të flasin njerëzit për mua. Unë e di se çfarë jam, çfarë kam bërë dhe çfarë mund të jap, por e mbaj për vete. Nuk më pëlqen të flas për veten time, por për kolektivin.
A e shihni veten duke evoluar si mesfushor me kalimin e kohës?
Nuk e di, varet se si shkojnë gjërat. Tani zakonisht kthehem në mesfushë për të marrë topin. Nuk e di se çfarë do të ndodhë në të ardhmen.
A keni ndonjë ide se edhe për sa kohë do të vazhdoni të luani?
Çdo futbollist e kupton për sa kohë mund të vazhdojë. Do ta zbuloj me kalimin e kohës. Unë vetë do të jem i pari që do të them se nuk mund të vazhdoj më, mjaft deri këtu. Me kalimin e viteve do ta zbuloj.
Debati i portës në Gjermani është i hapur. Kush mendoni se është portieri më i mirë midis Ter Stegen dhe Neuer dhe cilat janë tiparet kryesore të tij?
Ata janë dy portierë të shkëlqyer dhe me karakteristika të ngjashme. E lexojnë lojën shumë mirë dhe mund të luanin si mesfushorë. E njoh mirë Ter Stegenin dhe mund të flas për të, por nuk e shoh në stërvitje Neuerin dhe zakonisht nuk i ndjek ndeshjet e tij, por mendoj se ata janë dy portierë të ngjashëm.
Këtë vit keni humbur disa ndeshje për shkak të lëndimit…
Është e vështirë sepse një nga koka juaj është në rregull, mendon se je 25 vjeç dhe se mund të vazhdosh të bësh të njëjtat gjëra. Por trupi nuk të përgjigjet dhe ka rrethana në të cilat duhet të jesh më i kujdesshëm se më parë. Trupi kërkon një proces dhe përgatitje të ndryshme për stërvitje dhe ndeshje.
Cili është ndryshimi midis Barçës se Guardiolës dhe asaj aktuale?
E vërteta është se ka kaluar shumë kohë, ka shumë lojtarë të rinj. Jemi vetëm tre ose katër futbollistë prej asaj kohe. Ekipi u transformua dhe u përshtat me lojtarët që vijnë në çdo sezon.
Cilat janë virtytet e De Jong dhe si është marrëdhënia me të?
Ka qenë e lehtë për të që të përshtatet me skuadrën, sepse vinte nga një filozofi e ngjashme. Është rritur me të njëjtën ide te Ajaxi. I pëlqen të ketë topin, të luajë me pak fjalë, të vendosë pasimin midis vijave, ka një hap të shpejtë dhe të fortë. Është i kompletuar si lojtar.
Pse është kaq e vështirë të mposhtësh një lojtar si Van Dijk?
Është një mbrojtës që di të matë kohët dhe të presë momentin e duhur për të ndërhyrë. Është shumë i shpejtë dhe i madh, por ai ka shumë shkathtësi për lartësinë e tij. Është i shpejtë për shkak të hapit të tij të madh dhe është mbresëlënës, si në mbrojtje, ashtu edhe në sulm, sepse shënon shumë gola.
Cristiano gjithmonë ju rekomandon që të largoheni “rehatia” juaj te Barça dhe të kërkoni liga të tjera, ashtu siç ai ka bërë katër herë. A do ta dëgjoni atë?
Të gjithë kanë objektivat dhe përvojat e veta. Nuk kam pasur kurrë nevojë të largohem nga klubi më i mirë në botë, që është Barcelona, ku më pëlqen stërvitja, ndeshjet dhe qyteti.
A u befasuat nga Interi i Contes?
Nuk u çudita, sepse e dinim se çfarë do të gjenim. E kisha parë në Serinë A, të cilën e nisi shumë mirë dhe po lufton në mënyrë të barabartë me Juventusin, gjë që nuk është e lehtë. Ne e kishim studiuar Interin përpara se të ndesheshim në Champions, e dinim se ishte një ekip shumë i rregullt, që luan me zemër, dhe se do të ishte një rival shumë i vështirë.
Pavarësisht se keni fituar gjithçka, çmimi Puskas ju mungon. Si ndiheni?
Gjithmonë them se çmimet individuale nuk janë qëllimet e mia. Nuk janë qëllim më vetvete “The Best”, Topi i Artë apo Këpuca e Artë e aq më tepër goli më i bukur i vitit. Nëse e fitoj, mirë, nëse jo, asgjë nuk ndodh.
Çfarë mendimi keni për golin e Zsorit, fituesin e çmimit “Puskas” me atë roveshatë?
Ishte një gol shumë i bukur, impresionues. Një roveshatë nga larg dhe e lartë. E meritoi çmimin.
Çfarë mendoni për kalimin e Falcaos te Galatasaray?
Ai është një sulmues i shkëlqyeshëm, ka shënuar shumë gola. Kudo që shkon ai shënon, është një lojtar shumë i fuqishëm i zonës, në luftën ajrore si dhe godet me të dyja këmbët… Ai është një sulmues mbresëlënës.
