Mijëra protestues kanë dalë dje në rrugët e Vjenës duke bërë thirrje që të bojkotohet qeveria e re e së djathtës në Austri nga pjesa tjetër e Evropës, transmeton Reuters.
Sipas policisë rreth 20,000 persona janë mbledhur për të protestuar kundër koalicionit të ri qeveritar, i cili përfshin partinë e ekstremit të djathtë, Partia e Lirisë (FPO).
Në mesin e protestuesve kishte studentë, grupe të së majtës dhe pensionistë, të cilët kanë mbajtur pankarta në të cilat shkruhej “Mos lejoni qeverisjen e nazistëve”.
Policia austriake ka thënë se 1000 zyrtarë kanë qenë në detyrë gjatë organizimit, ndërsa protestën e kanë përshkruar paqësore.
Ata kanë kërkuar bojkotimin e ministrave të FPO-së nga qeveritë tjera evropiane.
Muajin e kaluar, FPO është bërë pjesë e qeverisë, në kuadër të qeverisjes së kancelarit, Sebastian Kurz.
Të dy palët kanë premtuar se do ta ndalin migrimin ilegal dhe islamin radikal.
“Është shumë e rëndësishme që shoqëria austriake të jetë e mobilizuar. FPO nuk është vetëm populiste, mirëpo edhe armike e demokracisë”, ka thënë presidenti i Lëvizjes kundër-racizmit, Benjamin Abtan
