Mitet rreth gjumit po dëmtojnë shëndetin dhe gjendjen tonë, thonë studiuesit. Një ekip në Universitetin e Nju Jorkut hulumtoi në internet për të zbuluar se cilat ishin kërkesat e njerëzve për një gjumë më të mirë. Pastaj, në një studim të botuar në revistën Sleep Health, u përputhën kërkesat me provat më të mira shkencore. Ata thonë se të besosh tek mitet e gjumit, nuk përmirëson shëndetin fizik dhe mendor të njerëzve.
Miti 1 – Mund të përballosh ditën edhe nëse keni bërë më pak se pesë orë gjumë. Ish-kryeministrja britanik Margaret Thatcher flinte rreth katër ore gjumë në natë. Kancelarja gjermane Angela Merkel ka thënë se edhe ajo nuk ka patur më shumë se pesë orë gjumë në natë. Megjithatë studiuesit thanë se besimi se më pak se pesë orë gjumë nuk ndikon në shëndetin tonë ishte një nga mitet më të dëmshme për shëndetin. “Ne kemi dëshmi të gjera për të treguar se pesë orë gjumë ose më pak në mënyrë konsistente, rrit rrezikun në masë të madhe për pasojat negative të shëndetit”, thotë studiuesja Dr Rebecca Robbins. Këto përfshinin sëmundje kardiovaskulare, të tilla si sulme në zemër dhe goditje cerebrale. Në vend të kësaj, ajo rekomandon që të gjithë të flenë shtatë deri në tetë orë gjumë në natë.
Miti 2 – Alkooli para se të shkoni në shtrat shkakton gjumë.
Ky është një mit thonë studiuesit. Kjo ju ndihmon t’ju zërë gjumi shpejt, por në mënyrë dramatike zvogëlon cilësinë e gjumit. Alkooli pengon lëvizjen e shpejtë të syve në fazën e gjumit, e cila është e rëndësishme për kujtesën dhe të mësuarit. Pra ju mund ju ketë zënë gjumi shpejt pas një gote me alkool, por nuk keni cilësi gjumi.
Miti 3 – Shikimi i TV teksa jeni në shtrat ju ndihmon të relaksoheni
A keni menduar ndonjëherë “Duhet të rri të shikoj TV para se të fle”?
Dr Robbins argumenton: ” Nëse shikojmë televizor, kjo është diçka që do të shkaktonte pagjumësi ose stres para gjumit, kur ne po përpiqemi të çlirohemi dhe të relaksohemi”. Çështja tjetër me televizorin së bashku me smartfonë dhe tableta – është se ata prodhojnë dritë blu, e cila mund të vonojë prodhimin e melatoninës së hormonit të gjumit.
Miti 4 – Përpiquni shumë që t’ju zërë gjumi.
Keni kaluar shumë kohë duke u përpjekur t’ju zërë gjumi, aq sa ju keni arritur të numëroni në numra të pafundmë. Pra, çfarë duhet të bëni më pas? Përgjigjja nuk është që të vazhdojmë të përpiqemi. “Nëse nuk ju zë gjumi për 15 minuta pasi keni rënë për të fjetur është mirë të mos vazhdoni të përpiqeni që t’ju zërë gjumi, ndryshoni ambient, ose bëni diçka që nuk e bëni zakonisht kur bini për të fjetur” tha Dr Robbins.
Miti 6 – Gërhitja është gjithmonë e padëmshme
Gërhitja mund të jetë e parrezikshme, por mund të jetë gjithashtu një shenjë e apneas së gjumit. Kjo bën që muret e fytit të relaksohen dhe të ngushtohen gjatë gjumit dhe mund të ndikojë tek frymëmarrja. Njerëzit me këtë gjendje kanë më shumë gjasa të vuajnë nga presioni i lartë i gjakut, rrahje të parregullta të zemrës, te kenë atak në zemër ose goditje në tru. Dr Robbins përfundon: “Gjumi është një nga gjërat më të rëndësishme që mund të bëjmë për të përmirësuar shëndetin, gjendjen shpirtërore, mirëqenien tonë dhe jetëgjatësinë tonë”.
