Ndryshe nga katër protestat e mëparshme, ku itinerari ka qenë i papërcaktuar, ditën e sotme është bërë publike edhe se ku do të protestojnë qytetarët. Por kjo nuk është e vetmja veçanti e kësaj proteste.
Bëhet me dije se Monika Kryemadhi do të mungojë në protestën e sotme. Shkak për këtë protestë është bërë një vizitë e saj në SHBA. Megjithatë vetëm pak minuta më parë janë parë të dalin nga LSI drejtues të lartë si dhe ish-deputet të kësaj force.
“Itinerari i marshimit të protestës së thirrur nga opozita nis nga sheshi Skënderbej, më pas Kryeministria, Drejtoria e Përgjithshme e Policisë- Parlamenti- Ministria e Brendshme- Drejtoria e Policisë Tiranë.
Simbolika e këtij marshimi proteste janë institucionet e kapura nga krimi- Parlamenti dhe Qeveria, si dhe institucionet që janë vegla të dhunës barbare policore mbi qytetarët dhe liritë e të drejta e tyre”, bënë me dije burime nga PD.
