Një mjegull e madhe pluhuri portokalli ka zbritur mbi Athinë ndërsa retë e pluhurit kanë fryrë nga shkretëtira e Saharasë, sipas BBC.
Sipas zyrtarëve, ky është një nga episodet më të këqija që ka goditur Greqinë që nga viti 2018.
Greqia ishte goditur tashmë nga re të ngjashme në fund të marsit dhe fillim të prillit, të cilat mbuluan gjithashtu zona të Zvicrës dhe Francës jugore.
Qielli parashikohet të kthjellohet të mërkurën, thotë shërbimi meteorologjik i Greqisë.
Cilësia e ajrit është përkeqësuar në shumë zona të vendit dhe mëngjesin e sotëm Akropoli në Athinë nuk ishte më i dukshëm për shkak të pluhurit. Reja ka arritur në veri deri në Selanik.
Grekët me probleme të frymëmarrjes u është kërkuar të kufizojnë kohën që kalojnë jashtë, të mbajnë maska mbrojtëse dhe të shmangin ushtrimet fizike derisa retë e pluhurit të pastrohen.
It’s apocalyptic in Athens right now. Mind you, no filter used. pic.twitter.com/YMTWKnVA6P
— Elly Vintiadis (@EllyVintiadis) April 23, 2024
Saharaja lëshon 60 deri në 200 milionë tonë pluhur mineral në vit.
Shumica e pluhurit zbret shpejt në Tokë, por disa nga grimcat e vogla mund të përshkojnë distanca të mëdha, ndonjëherë duke arritur në Evropë.
Atmosfera kryesisht në Greqinë jugore është bërë mbytëse për shkak të kombinimit të pluhurit dhe temperaturave të larta.
Meteorologu Kostas Lagouvardos krahasoi pamjen nga një stacion meteorologjik në planetin Mars.
“Shërbimi zjarrfikës raportoi dje 25 zjarre në 24 orët e fundit. Një zjarr shpërtheu pranë një baze detare në ishullin e Kretës – ku temperaturat u rritën mbi 30 gradë Celsius dhe shtëpitë dhe një kopsht fëmijësh duhej të evakuoheshin”, sipas raporteve lokale.
