Juventusi i Andrea Pirlos ka nisur nga puna vetëm pak ditë më parë, por e ka bërë me kohë Fabio Paratici, njeriu i merkatos bardhezi, që ka peshkuar në Gjermani më saktësisht te Schalke, ku objektivi është Weston McKennier.
Mesfushor i lindur në vitin 1998 (22 vjeç), luan edhe në krah dhe ka shënuar këtë sezon 3 gola në 32 ndeshje të Bundesligës.
Formula për transferimin e të riut nga Teksasi është 3 mln euro huazim dhe 18 mln euro të tjera për blerjen përfundimtare në fund të sezonit. Në kombëtaren amerikane prej vitit 2017, ka luajtur 19 ndeshje dhe shënuar 6 gola.
Profili – 22 vjeç dhe tashmë 91 paraqitje për Schalke në mesin e profesionistëve, plus 5 gola. McKennie u rrit në Teksas, pastaj u transferua në Gjermani (Kaiserslautern) për punën e babait të tij dhe më në fund u kthye në Shtetet e Bashkuara, ku luajti në Dallas nga 2009 deri në 2016.
Pastaj, pas një rrjeti skautistik, Schalke e përzgjodhi. Në vitin 2019 ai përfundoi i dyti në Shtetet e Bashkuara në Golden Cup, ku shënoi dy gola.
Ish-trajneri i tij Domenico Tedesco (sot te Spartak Moska) e prezantoi kështu: “Në mesfushë ai mund të luajë kudo, përpara mbrojtjes ose prapa sulmuesve, nga qendra me tre ose katër”.
