Është vënë në pranga ditën e sotme një 43-vjeçar nga Tirana i shpallur në kërkim ndërkombëtar.
Policia bën me dije se në bazë të informacionit të marrë në rrugë operative, në rrugën “Muhamed Gjollesha”, në bashkëpunim me Forcën e posaçme “Shqiponjat” dhe Patrullën e Përgjithshme kapën dhe ndaluan shtetasin e shpallur në kërkim G. R, 43 vjeç.
Ky shtetas, banues në Tiranë, ishte shpallur në kërkim për trafik ndërkombëtar lëndësh narkotike.
Gjykata e Shkalles se Parë për Krime të Rënda më datë 18.12.2019, ka caktuar masën e sigurimit personal “Arrest në burg” për vepra penale “ Prodhimi dhe shitja e narkotikëve”, “Grup i strukturuar kriminal”, dhe “Kryerja e veprave penale nga organizata kriminale dhe grup i strukturuar kriminal”.
Materialet i kaluan Prokurorisë se Posaçme Kundër Korrupsionit dhe Krimit te Organizuar, Tiranë.
