Bullgaria vazhdon të këmbëngulë për veton ndaj Maqedonisë e Veriut, e cila po mban peng zhvillimin e konferencës së parë ndërqeveritare për Maqedoninë e Veriut dhe Shqipërinë.
Presidenti bullgar Rumen Radev, në deklaratën e tij të dhënë pas fitores deklaroi se qeveria e re nuk do të bëjë asnjë lëshim ndaj Shkupit.
“Qeveria e re nuk duhet të bëjë lëshime nga pozitat nacionale kur bëhet fjalë identiteti dhe historia bullgare dhe të drejtat e bashkatdhetarët tanë prapa kufirit”, deklaroi ai, pas marrjes së mandatit të dytë presidencial.
Pas këtyre deklaratave, ka reaguar edhe kryeministri i Maqedonisë së Veriut, Zoran Zaev i cili shkruan në Facebook se kishte biseduar me Radev dhe se kishin rënë dakord që Bullgaria dhe Maqedonia e Veriut të vijonin me mirëkuptim bisedimet për të gjetur një zgjidhje në emër të një të ardhmeje të përbashkët evropiane.
