Ne gjithmonë kemi pyetur veten pse japonezët kanë një ritual, atë të heqjes së këpucëve para se të hyjnë në shtëpi. Është diçka që duhet të përhapet në çdo shtëpi, duke u bërë një zakon për të gjithë.
Së pari, heqja e këpucëve në shtëpi zvogëlon mundësinë e futjes së baktereve në shtëpi: sipas rezultateve të një studimi të kryer nga Universiteti i Arizonës, mund të ketë rreth 421 mijë baktere në një këpucë, që në shumë raste mund të shkaktojnë infeksione shumë serioze siç janë escherichia coli, klebsiella pneumonia dhe serratia ficaria.
Kjo vlen edhe për pesticidet që shpesh përdoren për kopshte, fusha, të cilat pa e kuptuar mund t’i shkelim dhe t’i tërheqim gjatë ecjes, këto substanca mund të qëndrojnë në sipërfaqet e shtëpisë sonë për një kohë të gjatë.
Padyshim që këpucët e përdorura jashtë shtëpisë sjellin papastërti në shtëpi dhe na detyrojnë të lajmë dhe konsumojmë më shumë produkte pastrimi që shpesh kanë kimikate dhe për këtë arsye ndotin.
Arsyet e tjera më pak “traumatike”, por ende të rëndësishme, janë sigurisht lehtësia e lëvizjes nëpër shtëpi dhe lënia e këmbës e lirë. Ne duhet të marrim frymëzim nga aziatikët, ku në disa vende, si p.sh Japonia njerëzit përdorin pantofla të ndryshme, secila e dobishme për një zonë specifike të shtëpisë. Shkurt, një zakon që duhet të bëhet rutinë në jetën tonë të përditshme.
