Edhe pse tërmetet 7.6 dhe 7.7 shkatërruan mijëra ndërtesa, të vjetra e të reja, në Turqi, ajo që çuditi jo pak ishte fakti se shumë pallate apo godina të vjetra të ndërtuara me tulla zjarri, ose inxhinierike siç njihet në gjuhën profesionale, nuk kishin lëvizur as edhe një centimetër.
Sipas pedagoges së Departamentit të Ndërtimit të Fakultetit të Inxhinierisë së Universitetit Dicle, Assoc. Dr. İdris Bedirhanoğlu kjo ka ndodhur pasi këto tulla kanë një kapacitet të lartë mbajtës.
“Kjo tullë mund të performojë si një beton i vendosur mirë. Prandaj, në të kaluarën, shtëpitë ndërtoheshin nga tulla zjarri. Shtyllat dhe trarët janë bërë gjithashtu me tulla zjarri. Kur ndodh një tërmet, jo vetëm kolonat, por edhe tullat e mbushura të zjarrit mbajnë ngarkesa. Meqenëse të gjitha ngarkesat nuk janë në kolonat e shtëpive të ndërtuara me tulla zjarri, ato mund t’i mbijetojnë të sigurt tërmetit. Tullat e zjarrit janë më rezistente ndaj ndikimeve të jashtme”, tha pedagogia e Departamentit të Ndërtimit të Fakultetit të Inxhinierisë së Universitetit Dicle, Assoc. Dr. İdris Bedirhanoğlu
Sipas të dhënave rezulton se, edhe në Evropë kjo lloj tulle është më e preferuara që përdoret për ndërtime.
