Kryeministri Edi Rama, në konferencën maratonë për shtyp në ditën e fundit të vitit, vlerësoi një nga ministrat që vetë e hoqi disa ditë më parë.
“Ditmir Bushati është ministri më jetëgjatë i Ministrisë së Jashtme dhe ministri më i mirë që kemi pasur në historinë e tranzicionit”, deklaroi Rama.
Në lidhje me ministrin e ri të Jashtëm, Rama tha se fakti që është nga Prishtina është plus dhe nuk e shqetësojnë aspak ajo që thonë të tjerët.
“Duhet ta shfrytëzojmë të gjithë zonën shqipfolëse për ministra, deputetë e ambasadorë”, shtoi Rama.
