Myftinia e Elbasanit është distancuar nga rasti i arrestimit të Klodjan Zaimaj më Malajzi i dyshuar për lidhje me ISIS.
Duke folur për mediat, myftiu i Elbasanit Agim Duka thotë se është njohur me rastin nëpërmjet mediave.
Ai thotë se Klodjan Zaimaj frekuentonte medresenë e Cërrikut e cila sipas tij ishte bazë radikale.
“Myftinia e Elbasani e ka denoncuar 4 vite më parë. Kjo medrese është e mbyllur dhe ne distancohemi nga ky rast i cili nuk përfaqëson parimet tona.
Myftinia e Elbasanit nuk ka asnjë lidhje me Klodjan Zaimaj”, tha Agim Duka.
Zaimaj u arrestua dy ditë më parë në Malajzi.
Lajmi është konfirmuar edhe nga Policia e Shtetit.
Ndërsa familjarët e tij janë shprehur se djali i tyre s’ka asnjë lidhje me terrorizmin dhe se ky është një kurth.
