Mbi 100 anëtarë të Partisë Republikane në SHBA kanë kërcënuar se do të krijojnë një parti të tretë, nëse Partia Republikane nuk ndahet nga ish-Presidenti Donald Trump.
Në letrën, “Një Thirrje për Ripërtëritjen Amerikane”, ata theksojnë se partia duhet të largohet nga teza e gabuar se zgjedhjet e vitit 2020 iu vodhën.
“Partia Republikane është thyer. Është koha për një rezistencë të “racionalëve” kundër “radikalëve”, shkruhet në letër. Letra thekson gjithashtu përçarjen e gjerë ndërpartiake nga Trump.
Nënshkruesit e letrës, të cilët përfshijnë ish ambasadorë, guvernatorë, anëtarë të kongresit dhe sekretarët e kabinetit, duan që Partia Republikane të kthehet në udhëheqjen “parimore” dhe të refuzojë teoritë e ndarjes dhe konspiracionit, ose të përballet me një parti të re.
Mbështetësit e grupit të reformës përfshijnë ish-Guvernatorët Republikanë Tom Ridge, Christine Todd Whitman, sekretaren e Transportit të epokës George W. Bush Mary Peters dhe ish-anëtarët e Dhomës Charlie Dent, Barbara Comstock, Reid Ribble dhe Mickey Edwards.
