Rihapet gara për titullin në Bundesligë, ku dy skuadrat kryesuese ndahen me vetëm një pikë. Humbjen e bavarezëve një ditë më parë përballë Eintracht Frenkfurtit e shfrytëzoi Leipzigu, që e patë të lehtë të triumfonte në fushën e Herthas së Berlinit me rezultatin e thellë 0-3.
Skuadra e drejtuar nga Nagelsman nuk e vuri në asnjë moment në diskutim suksesin. Fillimisht shënoi me Sabitzer në minutën e 28-të, ndërsa në fraksionin e dytë mbyllën llogaritë Mikiele dhe Orban.
Tjetër barazim për Bayer Leverkusenin, që e mbylli 1-1 takimin në fushën e Augsburgut. Një pikë e fituar “in extremis” nga “Aspirinat” që e realizuan golin në minutën e 5-të shtesë me Tabsoban, teksa për vendësit kishte zhbllokuar rezultatin Niderlechner që në minutën e 5-të.
