Ministria e Shëndetësisë ka njoftuar se ka shkuar në 10 numri i të infektuarve në Shqipëri.
Në një deklaratë për mediat, zv/ ministrja e Shëndetësisë Mira Rakacolli tha se janë testuar gjithsej 114 raste, ku prej tyre 10 rezultuan pozitivë. 2 raste kanë lidhje me 6 pacientët e parë, ndërsa dy raste janë të reja.
Ajo njoftoi se 2 raste të reja janë shfaqur një në Durrës dhe një në Tiranë, ky i fundit ka pasur një histori udhëtimi me Italinë.
Pacientët janë të shtruar në spitalin infektiv në Tiranë dhe rasti i Durrësit është i shtruar në këtë qytet.
Rakacolli bëri thirrje bërë kujdes personal dhe shmangie të grumbullimeve në vendet publike si dhe transportin ndërqytetas.
