Kryeministri Edi Rama vizitoi disa nga familjet e prekura nga tërmeti që janë strehuar në hotele në Durrës. Ai takoi një të moshuar, i cili tregoi se banesa ishte shkatërruar nga goditjet e tërmetit, ndërsa muri i kishte rënë në momentin që hyri për të parë shkallën e dëmeve.
I përlotur i moshuari u shpreh se kishte mbetur në mes të rrugëve, por Rama e siguroi se shtëpia do të ndërtohet më e mirë se ishte prandaj u kërkoi që të qetësohen.
Biseda e kryeministrit Rama me të moshuarin:
Edi Rama: Ju bëftë mirë, më pëlqen të bëjmë një foto se qenka për ditën e Flamurit.
I moshuari: Unë sa hyra në banesë më ra muri në shtëpi kur hyja për së dyti, ishte bërë copa-copa.
Edi Rama: Por të lutem, aman pse hyre? Si mund të futesh aty?
I moshuari: Thashë ta shoh…
Edi Rama: Do të mbajmë këtu dhe do të bëjmë shtëpinë
I moshuari: Unë nuk kam ku të shkoj më, nuk kam shtëpi, në Maqedoni nuk kam shtëpi.
Edi Rama: Shtëpinë do ta bëjmë më të mirë se ishte.
I moshuari: Faleminderit!
Edi Rama: Mos shko më te shtëpia, kaq!
Edi Rama: Të lutem, ti je i fortë, mbahu fort, ke parë shumë dhe ke kaluar shumë, e rëndësishme është që nuk ke pasur humbje. Përqafoje gruan dhe thuaj shyqyr që jeni gjallë dhe jeni mirë. Ju këtu do të qetësoheni dhe do të rrini sa të jetë nevoja.
