Po përpiqeni të shkurtoni shpenzimet dhe të kurseni para për faturat e shtëpisë? Blogerja e parave Victoria Sully, e martuar dhe nënë e dy fëmijëve, ndan me ne këshillat më të mira të buxhetimit. 33-vjeçarja që shkruan për paratë, familjen dhe stilin e jetës në lyliarose.com, jeton në Brockuorth, Gloucestershire, me bashkëshortin Ben, një menaxher i shërbimeve IT dhe dy fëmijët e tyre Bella dhe Reuben, 6 dhe 3 vjeç. Ja çfarë shkruan ajo:
“Qasja ime ndaj parave ka ndryshuar në mënyrë drastike gjatë viteve të fundit. Unë kam qenë një dorëçpuar. Por po të kesh fëmijë, bëhesh më e përgjegjshme. Të qenit në të tridhjetat e mia ka qenë gjithashtu një thirrje zgjimi, pasi e kuptova se duhet të mendoja edhe për pensionin. Vitin e Ri e kalova me sa më pak shpenzime, gjithashtu kam filluar kohët e fundit të heq mënjanë pará për pensionin tim. Unë po filloj të mendoj për të ardhmen dhe të jem më e ndjeshme me të ardhurat tona duke planifikuar buxhetin dhe duke vënë mënjanë paratë.
Një mënyrë që kemi zgjedhur për tu kujdesur për financat tona është duke patur një llogari bankare “master” të përbashkët, ku të gjitha të ardhurat tona shkojnë në të, dhe të gjitha faturat paguhen nga të dy së bashku. Më parë, të gjitha faturat i pagunte Beni. Gjatë kohës kur punoja më pak ose isha në pushim të lehonisë, që u mbështetëm vetëm në të ardhurat e Benit. Nuk kisha akses në llogarinë e tij dhe duhej vazhdimisht t’i kërkoja Benit që të më tregonte për faturat dhe gjendjen e parave. Kur bëmë një llogari të përbashkët, unë mora financat duke ndjekur të ardhurat tona, pagesat e faturave dhe planifikimin për shpenzimet tona.
Shpenzimet më të mëdha mujore janë pagesat tona të kredisë, pazaret e ushqimit, karburantet për të dy makinat tona dhe pjesën tjetër të faturave për ushqime. Ne kemi kaluar në një kompani të ripërtëritshme të energjisë këtë vit dhe kemi kursyer 264 paund në vit në krahasim me furnizuesin tonë të mëparshëm. Gjithashtu kemi kursyer pará në faturat e energjisë duke përdorur panelet diellore. Ndërsa për të kursyer energjinë kohët e fundi kemi vendosur të ngrohemi me dru.
Planifikimi buxhetor gjithashtu siguron që ne të qëndrojmë në të ardhurat tona mujore dhe të kursejmë të holla. Unë përdor një listë për të renditur të ardhurat tona dhe shpenzimet mujore në mënyrë që të shohim se çfarë ka mbetur dhe çfarë është shpenzuar. Lista e shpenzimeve tona do të përfshijë gjithashtu një pagesë në llogarinë e kursimeve për të siguruar që ne po kursejmë disa pará çdo muaj. Ne e trajtojmë këtë si një projektligj, në mënyrë që t’u përmbahemi qëllimeve tona të kursimit. Më parë, mund të shpenzonim gjithçka që kishim, duke mos kursyer asgjë nga të ardhurat e muajit të kaluar.
Mundohemi të mos shpenzojmë shumë para për veshjet apo udhëtimet, por i përdorim paratë për gjërat më të rëndësishme.
Gjithashtu në raste festash mundohemi të heqim nga shpenzimet tona dhe gjithçka që është e tepërt. Nuk shpenzojmë para në qendra estetike, apo për të dalë darkave. Gjatë gjithë muajit, rregullisht e kontrolloj aplikacionin tim në internet për të siguruar që faturat të dalin siç priten dhe të sigurohemi që të qëndrojmë brenda buxhetit tonë.”
