Spanja ka raportuar edhe 605 viktima të tjera në 24 orët e fundit nga koronavirusi në vend.
Shifër më e ulët se e një dite më parë, ku ishin raportuar 683 viktima dhe gjithashtu më e ulëta që prej 24 marsit, raportojnë mediat spanjolle.
Sipas Ministrisë së Shëndetësisë, bilanci i të vdekurve nga Covid-19 ka shkuar në 15843 vetë, ndërsa numri i rasteve të konfirmuara është 157022, mes tyre 55668 të shëruar.
”Shpërthimi i koronavirusit është nën kontroll nga autoritetet spanjolle”, deklaroi dje kryeministri, Pedro Sanchez duke përmendur shifrat e fundit të rasteve të infektuara.
Sanchez theksoi se gjendja e jashtëzakonshme, e vendosur që nga 15 marsi, ndihmoi në frenimin e përhapjes së virusit.
