Dashuruesit e qenve dhe maceve shpesh kanë diskutuar për atë se cila kafshë është më e zgjuar, dhe studimi tani ka dhënë përgjigje. Qentë kanë afërsisht dy herë më shumë neurone se macet, gjë që sugjeron se ato janë rreth dy herë më inteligjentë.
Në hulumtim morën pjesë ekipet nga gjashtë universitete, të udhëhequr nga neurologja Suzana Herculano-Houzel, e cila ka studiuar funksionin kognitiv të kafshëve dhe njerëzve për dhjetë vjet. Ajo ka studiuar madhësinë e trurit dhe densitetin neuronal në mishngrënës të ndryshëm dhe disa herbivorë, dhe siç thuhet këto kafshë janë studiuar, për shkak se shumë prej tyre duhet të mposhtin prenë për të mbijetuar, gjë që sugjeron një numër më të madh të neuroneve dhe inteligjencës më të madhe.
Shkencëtarët kanë analizuar neuronet nga korja e trurit të madh, një pjesë e trurit që jep kompleksitet dhe fleksibilitet, shpjegoi Herculano-Houzel. Për të parë se sa neurone zakonisht kanë macet dhe qentë, ata përdorën trurin e një maceje dhe dy qenve. Dy qen u zgjodhën për shkak të dallimeve të mëdha në madhësinë e qenve. Në secilin nga truri i qenve, pavarësisht ndryshimeve në madhësi, studiuesit gjetën rreth 500 milionë neurone, më shumë se dyfishi i 250 milionëve të gjetur në tru të maceve.
Sipas numrit të neuroneve, është konstatuar se qentë janë përafërsisht inteligjentë sa rakunët dhe luajtë, ndërsa macet janë në nivelin e ariut. Por kafsha më inteligjente, e cila nuk i përket primatëve, është elefanti me 5.6 miliardë neurone. Në mënyrë të ngjashme, Herculano-Houzel vuri në dukje se elefantët gjithashtu kanë një numër shumë më të madh të neuroneve në trurin e vogël.
Studiuesit, megjithatë, paralajmërojnë se këto zbulime ende nuk e zgjidhin dilemën e plotë të inteligjencës midis qenve dhe maceve. Siç thonë ata, çdo diskutim i aftësive njohëse do të jetë një çështje e mendimit derisa të bëhen krahasimet direkte dhe sistematike të aftësive njohëse, shkruan National Geographic.
