Ujërat rreth dy tubacioneve të çara të gazit rus në detin Baltik janë mbyllur si pjesë e një hetimi në vazhdim.
Roja Bregdetare suedeze rrethoi pesë milje detare (rreth nëntë kilometra).
Mbyllja do të thotë se është e ndaluar në atë zonë lëvizja e anijeve, ankorimi, zhytja dhe peshkimi.
Prokurori suedez Mats Ljungqvist tha se ”masa është e nevojshme për të hetuar më tej sabotimin e dyshuar të linjave ‘Nord Stream 1’ dhe 2 nga Rusia në Gjermani”.
Katër rrjedhje u raportuan në tubacione një javë më parë.
Ekspertët perëndimorë dyshojnë se ato janë bombarduar, me disa që fajësojnë Rusinë për ndërprerjen e gazit në shenjë proteste ndaj sanksioneve perëndimore për luftën në Ukrainë.
Kremlini nga ana e tij akuzon Perëndimin se hodhi në erë tubacionet.
