Me tonin e zakonshëm ironik, vjen goditja e mprehtë e Patrice Evra ndaj ish-shokut të skuadrës, Arturo Vidal, tani mesfushor i Interit, nën urdhërat e Antonio Conte. Francezi i dërgoi një mesazh shumë të veçantë kilianit përmes një postimi në profilin e tij në Instagram.
Me një karikaturë të këndshme, Evra “ngjiti në skenë” një treshe, që përfshin gjithashtu Andrea Pirlo, në një foto që i portretizon të tre me fanellën e Juventusit, ndërsa ata dalin në fushë me radhë.
“Pat, kush është pas teje?”. Kjo është pyetja e pretenduar e Pirlos. “Boh, nëse nuk e kam humbur kujtesën time, Maestro, ky po luante me ne më parë”, – është përgjigja e stilit komik të Evra.
Në fund edhe një tjetër koment të hidhur drejtuar atij që ka zgjedhur të veshë fanellën e rivalëve të përjetshëm të Interit: “Të fitosh nuk është e rëndësishme, por është e vetmja gjë që ka rëndësi! Por, të jesh lojtar i Juventusit deri në fund, është e vetmja gjë që ka rëndësi, gjithashtu. Na vjen keq Arturo Vidal”.
