Një i ri shqiptar, i identifikuar si Lauren Spaho, është vrarë brutalisht në qytetin e Karlstad të Suedisë.
Ngjarja ka ndodhur 10 ditë më parë në ambientet e një diskoje, ku 20-vjeçari ka qenë tentuar të ndërhyjë për të ndarë një sherr mes disa personave me kombësi arabe.
I riu shqiptar u sulmua në mënyrë brutale nga 9 persona, duke u masakruar 25 herë me thikë.
Spaho u transportua me urgjencë drejt spitalit, por nuk mundi t’i mbijetonte dot plagëve të marra.
Ngjarja e rëndë ka ndodhur 10 ditë më parë, ndërkohë që trupi i viktimës nuk ka mundur të vijë ende në Shqipëri te familja.
Familja e të ndjerit ka kërkuar ndihmën e autoriteteve në mënyrë që të sillet trupi i djalit të tyre në Shqipëri.
20-vjeçari kishte 7 muaj që ishte zhvendosur në Suedi si emigrant, ku punonte në fushën e ndërtimit.
Në lidhje me këtë ngjarje policia ka shoqëruar 9 persona me kombësi arabe, 5 prej të cilëve janë lënë në burg nga autoritete.
