Presidentja e Komisionit Europian Ursula von der Leyen ka nisur vizitën në Tiranë në kuadër të Samitit të Procesit të Berlinit.
Menjëherë pasi mbërriti në Tiranë, Von der Leyen iu drejtua Presidencës për një takim me kreun e shtetit, Bajram Begaj.
Në një postim në platformën X, Von der Leyen, bën me dije se temë e diskutimit me Presidentin Begaj ka qenë zgjerimi i Bashkimit Europian me vendet e Ballkanit Perëndimor.
Sipas shefes se KE-së, këtu nuk kemi të bëjmë me një çështje dyshimi nëse duhet të bëhet, por vetëm me një çështje kohe se kur do të anëtarësohen vendet e Ballkanit Perëndimor.
“Nisja e vizitës sime në Shqipëri me një takim të mirë me Bajram Begaj. Zgjerimi është në krye të prioriteteve tona dhe Shqipëria është në rrugën e duhur. Ne duam që partnerët dhe fqinjët tanë të bashkohen dhe ta bëjnë Unionin tonë të plotë. Pra, nuk është çështja nëse, por kur”.
Starting my visit to Albania with a good meeting with @BajramBegajAL
Enlargement is at the top of our priorities and Albania is on the right track.
We want our partners and neighbours to join and make our Union complete.
So it is not a matter of if, but when. pic.twitter.com/6RKmPFBtWy
— Ursula von der Leyen (@vonderleyen) October 15, 2023
Pas ndalesës në zyrën e Begajt, Von der Leyen i është drejtuar ambienteve të “Shtëpisë së Europës” për të zhvilluar një takim me kryeministrin Edi Rama.
