Alexandra Ocasio-Cortez është politikania e momentit në Amerikë dhe ylli në ngjitje i të majtëve.
Idetë e saj janë radikale dhe këtë gjë, ajo e tregoi edhe gjatë një interviste të dhënë një ditë më parë.
29-vjeçarja deklaroi fillimisht se bota do të marrë fund brenda 12 viteve, për shkak të ndryshimeve klimatike, dhe për këtë, sipas saj, duhen marrë masa emergjente, ndryshe sa mendon Donald Trump.
“Beteja për ndryshimet klimatike, është Lufta e Dytë Botërore për brezin tonë”, tha ajo.
Por kongresistja më e re në historinë amerikane, ishte më e ashpër sidomos me miliarderët.
Ajo tha se është imorale, që sistemi amerikan lejon ekzistencën e miliarderëve, ndërkohë që mijëra e qindra mijëra njerëz nuk kanë të hanë dhe nuk sigurojnë dot shërbim shëndetësor.
“Unë nuk mendoj se kjo do të thotë domosdoshmërisht që të gjithë miliarderët janë imorale.
Nuk do të thotë që dikush si Bill Gates, për shembull, ose Warren Buffett, janë njerëz të pamoralshëm.
Unë nuk besoj se … por unë mendoj se një sistem që lejon miliarderët të ekzistojnë, kur ka pjesë të Alabamas, ku njerëzit nuk kanë qasje në shëndetin publik, është e gabuar.
Unë mendoj se është e gabuar që një shumicë e madhe e vendit nuk ka një pagë të madhe jetese.
Unë mendoj se është e gabuar që mund të punoni 100 orë dhe të mos ushqeni fëmijët tuaj.
Mendoj se është e gabuar që korporatat si Walmart dhe Amazon mund të paguhen, ata mund të paguhen nga qeveria, të përvetësojnë pasuritë e publikut”, tha ajo.
29-vjeçarja është bërë e famshme dhe e dashur në Amerikë, pikërisht për shkak të ideve të saj radikale majtiste.
