Janë bërë 14 vite qysh YouTube bëri hapin e parë, duke u shndërruar në kanal të domosdoshëm për meraklinj të videove.
Platorma e që sot përcakton hitet, dikur nisi me një video të thjeshtë të njërit nga themeluesit.
Jawed Karim ishte ngarkuesi i parë i videos me titullin “Unë në kopsht zoologjik”, përmbajtje e cila ende është në dispozicion, dhe ka mbi 66 milion shikime.
Tani, këto statistika nuk i afrohen hiteve që thyen parashikimet, si “Despacito” me 6.1 miliardë shikime apo “Shape of You” me 4.15 sosh.
Por gjithcka nisi tek ky kopsht zoologjik.
Ishte prilli i vitit 2005 kur Karim qëndronte “gatitu” për të treguar përvojën e tij përmes një klipi prej 19 sekondash.
Asokohe, YouTube ishte ende në zhvillim e sipër dhe doli “live” tek në muajin dhjetor.
Më vonë, në vitin 2006, kanali u ble për 1.6 miliardë dollarë nga Google, dhe pjesa tjetër është histori.
