Shkencëtarët kanë zbuluar dy planetë të ngjashme me Tokën që orbitojnë një yll vetëm 12.5 vjet dritë larg planetit tonë.
Planetët e sapo zbuluara gjenden në zonën e banueshme të yllit Teegarden, një yll që thuhet të jetë ndër më të vegjlit e matur ndonjëherë.
Vëzhgimet e deritanishme sugjerojnë se dyshja e planetëve mund të ndajnë ngjashmëri me planetët që ndodhen më pranë diellit në sistemin tonë diellor, edhe pse ylli i Teegarden nuk merr aq nxehtësi sa këto planetë. Ylli i Teegarden është një nga fqinjët më të afërt të sistemit tonë diellor dhe arrin rreth 2.700 ° C. Është afërsisht 10 herë më e lehtë se dielli.
Në një studim të ri, shkencëtarët kanë detajuar ekzistencën e mundshme të dy planetit në afërsi të tij. Këto janë zbuluar në mënyrë të pazakontë, në vend të metodës tipike ‘tranzit’, në të cilën planetët mund të shihen duke kaluar para yllit të tyre. Gjithashtu pozicioni i dy botëve të reja lejoi që ato të zbulohen duke kaluar para diellit tonë.
Sipas ekipit, të dhënat janë një tregues i qartë i ekzistencës së tyre. Planetët janë të ngjashme me Tokën sipas shkencëtarëve por janë vetëm pak më të rëndë se Toka dhe gjenden në të ashtuquajturën zonë të banueshme, ku uji mund të jetë i pranishëm në formë të lëngshme.
Ylli i Teegarden u zbulua vetëm në vitin 2003 dhe ende ka shumë për t’u mësuar rreth sistemit. Ai mund të përmbajë edhe planetë të tjera përtej dy të përshkruara në studimin e ri, thonë autorët. Nëse planetët janë të banueshme është ende një mister.
Por, por sipas ekipit, nëse dikush do të qëndronte në sipërfaqe, ata do të ishin në gjendje të shihnin shtëpinë tonë duke shikuar prapa.
