Është zbuluar mekanizmi molekular që fshihet pas rasteve të infertilitetit mashkullor të konsideruar deri më tani të pashpjegueshëm.
Problemi është në ADN-në e spermatozoideve, që gabimisht ngatërrohet te proteinat (të quajtura histone) rreth të cilave mbështillet si element kompakt në bërthamën e qelizave.
Defekti u riprodhua për herë të parë te minjtë dhe mund të ndihmojë në kërkimin e trajtimeve të reja për infertilitetin, siç tregohet nga studimi i publikuar në revistën “Developmental Cell” nga studiues të Universitetit të Pensilvanisë.
“Për burrat që vuajnë nga infertiliteti pa një arsye të dukshme, gjithçka mund të rezultojë normale në ekzaminimin mjekësor si numërimi ashtu edhe lëvizshmëria e spermës. Megjithatë, ata nuk mund të kenë fëmijë”, shpjegon autori i parë i studimit, Lacey J. Luense.
Rezultatet e marra nga grupi i tij janë shumë të rëndësishme sepse demonstrojnë se “problemi është për shkak të një gabimi në zhvillimin e spermatozoideve duke filluar nga qelizat burimore të rrjedhin dhe, në veçanti, në moszëvendësimin e proteinave që rrethojnë ADN-në e qelizave, histonet, me protaminë, proteina më të vogla që përdoren për kompaktimin e ADN-së në spermatozoide”, shpjegon Carlo Alberto Redi, drejtor i Laboratorit të Biologjisë së Zhvillimit të Universitetit të Pavias.
