Italianët po shkojnë në qendrat e votimit këtë fundjavë për të votuar në një referendum dhe në disa zgjedhje rajonale, më të rëndësishmet prej të cilave janë në Toskanë, për të cilat analistët thonë se mund të ndryshojnë fytyrën e ekstremit të djathtë.
Që nga pandemitë dhe karantinat e nivelit shtetëror, kjo është prova e parë për qeverinë e kryeministrit Giusseppe Conte të përbërë nga Partia Demokratike e qendrës së majtë dhe Lëvizja populiste Pesë Yjet.
“Një fitore e madhe për të djathtën do të krijonte një rrëmujë në qeverinë në Romë,” tha për AFP analisti i Berenberg, Florian Hense.
Zgjedhjet mund të jenë gjithashtu jashtëzakonisht të rëndësishme për Lidhjen e ekstremit të djathtë të Matteo Salvini. Nëse ai fiton zgjedhjet në Toskanë, përndryshe një fortesë e së majtës, ai do të rivendoste statusin e liderit të së djathtës, por një humbje e mundshme do t’i japë erën e pasme sfiduesve të tij.
Votuesit me maska do shkojnë në qendrat e votimit të dielën dhe të hënën, megjithëse disa epidemiologë kanë thënë se është “e çmendur” të hapësh qendra votimi ndërsa numri i të infektuarve rritet.
Italia ishte vendi i parë evropian që u godit rëndë nga virusi, duke shuar më shumë se 35,000 njerëz.
“Italia së pari”
Zgjedhjet rajonale do të mbahen në Campania, Liguria, Toskana, Pulia, Veneto dhe në provincat e Marche dhe Valle d’Aosta.
Midis zgjedhjeve parlamentare të hershme 2018 dhe pandemisë, e djathta fitoi zgjedhjet rajonale në tetë nga nëntë provincat, pjesërisht për shkak të pamundësisë së së majtës për të kandiduar me një kandidat.
Ekspertët paralajmërojnë se një gjë e ngjashme mund të ndodhë tani.
Më të rëndësishmet janë zgjedhjet në Toskanë, të cilat drejtohen nga e majta për 50 vjet.
Sondazhet e fundit sugjerojnë se gara do të jetë e ngushtë.
Eurodeputetja Susanna Ceccardi, e cila mban slloganin e Salvinit “Së pari Italia”, mund të llogarisë mbështetjen e 41.5 përqind të votuesve atje, ndërsa Eugenio Giani i Partisë Demokratike (PD) 43.7 përqind, sipas një sondazhi nga You Trend.
Sipas agjencive, dy blloqe kryesore zakonisht formohen në zgjedhjet rajonale italiane – “koalicioni i qendrës së majtë” dhe “koalicioni i qendrës së djathtë” – ndërsa Lëvizja populiste Pesë Yje (M5S) spikat më vete.
Blloku i majtë pritet të mbajë pushtetin në provincën jugore të Campania-s, por koalicioni i krahut të djathtë të Lidhjes, partia e ekstremit të djathtë Vëllezërit e Italisë dhe partia Forza Italia e ish-kryeministrit Silvio Berlusconi mund të fitojë në Apulinë fqinje.
E djathta pritet të fitojë pa probleme në bastionet e saj, provincat veriore të Veneto-s dhe Liguria-s, dhe e majta do të marrë pushtetin në Marche.
John Cabot, një profesor i shkencave politike në Universitetin e Romës, thotë se nuk mendon se qeveria do të bjerë, edhe nëse e djathta fiton në Toskanë.
Komentuesja politike për të përditshmen italiane Sole 24 Ore, Barbara Flammeri, është dakord, por beson se zgjedhjet “mund të përcaktojnë fatin e udhëheqësve”, duke përfshirë udhëheqësen e PD Nicole Zingaretti dhe kryeministrin jo-partizan Conte, por veçanërisht Salvinin dhe atë të Vëllezërit e Italisë, Giorgio Meloni. .
Salvini ose Meloni
“Zgjedhjet në Toskanë do të jenë vendimtare për Matteo Salvinin, popullariteti i të cilit ra gjatë pandemisë,” i tha Flammeri AFP.
Nëse Liga fiton në Toskanë, “ylli i tij do të shkëlqejë edhe një herë dhe askush nuk do të vë në dyshim epërsinë e tij. Do të ishte një rezultat i bujshëm,” shtoi ajo.
“Por nëse ai humbet, dhe kandidatët e Vëllezërve të Italisë fitojnë në Marche dhe Apulia”, Meloni mund të bëhet emri i parë i ekstremit të djathtë, përfundon Flammeri.
