Fluturat simbolizojnë lirinë dhe bukurinë që mund të ketë dikush. Janë të gjitha të ndryshme dhe njëkohësisht të bukura. Shumë artistë përdorin fluturat në veprat e tyre, si burim frymëzimi, apo si temë kryesore.
Fluturat simbolizojnë ndryshimin, metamorfozën dhe bukurinë që buron në kohë. Dhe ti do thuash: si mundet një flutur të reflektojë në personalitetin tim?
Do e gjesh përgjigjen duke zgjidhur testin e fluturës. Zgjidh një dhe lexo çfarë shkruhet më poshtë:
Nëse zgjodhe fluturën numër 1
Ndjeshmëri dhe ndershmëri
Kjo flutur e bukur na thotë se je njeri i ndershëm dhe romantik. Mëshira për të tjerët rrjedh tek tu, ndihmon njerëzit që nuk i njeh, sepse je njeri i ndjeshëm dhe e vendos veten gjithmonë në vend të tjetrit. Shqetësohesh aq shumë për të tjerët saqë mund të harrosh veten dhe ndjenjat e tua.
Të ndihmosh të tjerët të gëzon. Kij parasysh edhe problemet e tua, sepse janë shumë të rëndësishme dhe fillimisht duhet të ndihmosh veten. Për të ndihmuar të tjerët, fillimisht duhet të jemi mirë vetë emocionalisht.
Nëse zgjodhe fluturën numër 2
Je njeri paqësor
Kjo flutur përfaqëson paqen dhe harmoninë. Je njeri i qetë dhe realist. Je i/e ekuilibruar dhe kërkon të jesh kështu në të gjitha aspektet: si në jetën personale, edhe atë profesionale. Kjo do të thotë se mbajtja e ekuilibrit është çelësi i lumturisë tënde. Dobësia që ke, është se mund të të kapë paniku shumë lehtë përballë situatave stresuese apo jo të volitshme. Preferon të largohesh dhe të fshehësh ndjenjat e tua, derisa të përballesh me problemet.
Nëse zgjodhe fluturën numër 3
Krijimtaria është emri yt i dytë
Je njeri shumë krijues dhe e sheh bukurinë në çdo gjë që të rrethon. Je shumë analizues/e, edhe kur nuk është nevoja. Inspirohesh në analizimin e gjërave, formave, pasi kjo është mënyra se si ti e kupton jetën. Ti e përdor shumë edhe logjikën dhe kjo të ndihmon shumë, sepse njerëzit e tjerë të shohin si njeri shumë të pjekur. Në vendin e punës të pëlqen gjithçka. Ky është një disavantazh, sepse mund të krijosh vareësi nga puna, por nuk është diçka që të lë pa gjumë, sepse ti e dashuron atë që bën. Gjërat e vogla në jetë të japin gëzim dhe duan të thonë shumë për ty.
Nëse zgjodhe fluturën numër 4
Ambicie e mirë
Njerëzit rreth teje të përshkruajnë si njeri të suksesshëm. Kjo nuk do të thotë se do bëhesh milioner/e, por se je njeri i organizuar që i arrin objektivat e tua. Nuk je dembel/e, të pëlqen të jesh aktiv/e, të punosh. Je njeri i sigurt, por edhe ke frikë të dështosh. Dështimi është frika jote dhe sigurohesh gjithmonë se askush dhe asgjë nuk do të të ndalojë të arrish objektivat e tua. Ndonjëherë ke dëshirën të arrish t’i lësh mënjanë retë e jetës private, por gjëja më e mirë është se arrin të ndërgjegjësohesh dhe shkon të ndash me ata që do sukseset e tua.
Nëse zgjodhe fluturën numër 5
Je njeri entuziast
Karakterizohesh nga gëzimi dhe entuziazmi. Je gjithnjë i/e lumtur dhe i bën gjërat me gëzim. Përpiqesh të kërkosh anën pozitive edhe kur të ndodhin gjëra të shëmtuara. Nuk të pëlqen mërzia dhe kërkon të bësh të pamundurën për të mos rënë “pre” e saj. Bën shumë gjëra njëkohësisht, gjë që e bën të vështirë arritjen e objektivave që ke. Nuk arrin atë që do sepse nuk respekton limitin kohor të objektivave të tua. Gjëja më e mirë e gjithçkaje është se entuziazmi yt do të të ndihmojë të insistosh për të arritur objektivat e tua.
Nëse zgjodhe fluturën numër 6
Je njeri i qartë dhe me logjikë
Nëse ke zgjedhur këtë flutur të bukur, do të thotë se je njeri shumë i qartë dhe me logjikë të fortë kur i thua gjërat. Për këtë karakteristikë, njerëzit rreth teje duan të të rrinë afër, kanë nevojë për këshillën tënde, duke qenë se je i/e sinqertë dhe nuk fsheh asgjë dhe i thua gjërat ashtu siç janë në të vërtetë. Je njeri, mbi të gjitha, me moral. Kërkon gjithmonë të bësh atë që duhet dhe të kesh ndërgjegjen e pastër. Kjo është ajo ç’ka i jep vlerë jetës dhe jo të gjithë e kanë.
