Kur shkencëtarët njoftuan në fillim të marsit se kishin zbuluar një vrimë të çuditshme në shtresën e ozonit të tokës sipër Arktikut, e gjithë bota shkencore ishte e shqetësuar.
Jo vetëm që vrima u shfaq në një vend të pazakontë, por ishte edhe më e madhja deri më tani. Të gjithë pyesnin veten nëse ishte rezultat i zjarreve të mëdha në Australi, emetimeve ose diçka tjetër.
Por siç u shfaq papritmas, kështu u zhduk papritmas. Shkencëtarët në Shërbimin e Monitorimit Atmosferik të Kopernikut (CAMS) kanë njoftuar se vrima është mbyllur.
Megjithëse mbyllja e vrimës së ozonit mund të lidhej me një ulje të ndotjes për shkak të një ngadalësimi në tërë ekonominë globale, shkencëtarët tregojnë se nuk është kështu.
“COVID-19 me siguri nuk ka asnjë lidhje me këtë”, postuan ata nga CAMS, duke shtuar: “Mbyllja u shkaktua nga erërat polare jashtëzakonisht të forta dhe të zgjatura dhe nuk ka asnjë lidhje me ndryshimin e cilësisë së ajrit.”
