I veshur me uniformë të bardhë, pa emër, por vetëm i etiketuar me numrin 3870, bosi i drogës, Joaquin El Chapo Guzman duket në disa pamje të pashfaqura më parë, ndërsa shoqërohet nga rojet në një burg meksikan, i kapur për herë të tretë pas dy arratisjesh.
Mbreti i kapur i drogës iu përgjigj pyetjeve të rojes së burgut meksikan me qetësi olimpike, pa e ngritur kokën lart, ndërsa pastroi qetësisht bojën e gishtit të zi nga duart e tij.
Alias? ‘El Chapo’
Profesioni? ‘Fermer’
Intervista është pjesë e një videoje të bërë katër vite më parë.
Bosi i Kartelit të Sinaloas tashmë ndodhet në një burg të sigurisë së lartë në Shtetet e Bashkuara të Amerikës. Në videon e shpërndarë nga mediat meksikane, Guzman shihet duke u regjistruar në burgun “Altiplano” në vitin 2016.
Burgu ndodhet në një prej lagjeve të qytetit Juarez.
Më parë El Chapo ishte arratisur dy herë nga i njëjti burg, duke poshtëruar autoritetet meksikane, pasi kishte hapur një tunel mbi 1 kilometër të gjatë. Në vitin 2017, El Chapo u ekstradua në Shtetet e Bashkuara ku u dënua për 10 akuza në lidhje me trafikimin e lëndëve narkotike dhe vrasjes.
