Në Belgjikë, një mace ka rezultuar pozitive me koronavirus, sipas Bruksel Times.
Sipas raporteve zyrtare, virusi është transmetuar nga pronari i tij.
Kafsha shtëpiake kishte simptoma klasike COVID-19, përfshirë vështirësinë në frymëmarrje, u tha një konferencë për shtyp.
Me sa dihet, kjo është macja e parë në botë që infektohet me këtë virus. Më parë, dy qen në Hong Kong u testuan pozitivë me COVID-19.
“Macja kishte diarre. Ajo villte dhe kishte vështirësi në frymëmarrje”, tha profesori Steven Van Gucht.
Ndërkohë, Organizata Botërore e Shëndetit tha “nuk ka prova që qentë, macet ose ndonjë kafshë tjetër mund ta transmetojnë virusin te njerëzit”.
Profesor Van Gucht tha se ishte një rast i izoluar, dhe theksoi se rreziku që virusi të transmetohet nga kafshët te njeriu ishte shumë i ulët.
Këshilli belg për mbrojtjen e kafshëve ka njoftuar se nuk dihet nëse ekziston një kërcënim për kafshët shtëpiake në kontekstin e llojit të ri të koronavirusit.
Në këtë vend evropian, 7.228 persona janë diagnostifikuar me COVID-9, ku 300 kanë humbur jetën.
