Ambasadorja amerikane Yuri Kim ka reaguar ndaj deklaratave të gazetarit Çim Peka duke e përgënjeshtruar, pasi ky i fundit shprehej se kryedemokrati Lulzim Basha kishte debatuar me diplomaten amerikane dhe i kishte ngritur tonet pasi e thirri ” Luli”.
Sipas Pekës, Basha i ka thënë ”unë nuk jam Luli Basha, por zoti Basha, kryetar i opozitës” dhe “nëse vazhdoni lojën me Ramën vazhdoni me të”.
Deklarata e Pekës solli reagimin e ambasadores amerikane në Twitter, e cila teksa ka shpërndarë linkun e lajmit, duke e përgënjeshtruar atë, shkruan: “Kjo është e pakuptimtë. Ai më quan “Yuri” dhe unë e quaj “Luli”. Pse? Sepse ne jemi kolegë dhe miq”.
This is nonsense. He calls me “Yuri” and I call him “Luli”. Why? Because we are colleagues and friends. https://t.co/Cpg71LxljN
— Ambassador Yuri Kim (@USAmbAlbania) June 3, 2020
