Ish-trajneri olimpik në Shtetet e Bashkuara të Amerikës për gjimnastikën e femrave, John Gedderd, është gjetur i vetëvrarë me armë zjarri nga autoritetet, disa orë pas akuzave të ngritura ndaj tij për trafik të qenieve njerëzore dhe abuzim seksual në dëm të atleteve minorene.
Geddert gjithashtu akuzohej se kishte gënjyer hetuesit për çështjen e mjekut të skuadrës Nassar, një mik i tij, i cili po vuan një dënim me burg po për akuzën e dhunës seksuale ndaj atleteve të kombëtares amerikane.
Trupi i pajetë i Geddert u gjet në banesën e tij në Michighan dhe lajmi konfirmohet dhe nga zyra e prokurores Dana Nessel.
