Prokuroria e Tiranës ka kërkuar një vit e 6 muaj burg për Princ Lekën dhe kërkon nga Gjykata e Tiranës konvertimin e dënimit në shërbim prove.
Një vit burg kërkoi prokurori Dritan Nushi për Gjergj Zaharinë, babanë e Elia Zaharia, ndërsa për këtë të fundit 6 muaj burg, që të konvertohen në shërbim prove.
Të tre personat te cilët akuzohen për “dhunë në familje”, u gjykuan me procedurën e gjykimit të shkurtuar, ndërkaq seanca e radhës për shpalljen e vendimit u caktua në datë 13 dhjetor.
Vendimi do jepet nga gjyqtarja Migena Laska.
Në seancën e sotme kanë qenë të pranishëm vetëm Elia me babanë, ndërkohë mungonte Princi Leka.
