Papa Françesku mbërriti në Maqedoninë e Veriut, në vizitën e parë në këtë shtet të një drejtuesi të kishës katolike.
Ceremonia e mirë se ardhjes u zhvillua para pallatit presidencial ne Shkup, ku Papa u takua me presidentin në largim Gjorgji Ivanov dhe kreyministrin Zoran Zaev.
Papa Françesku më pas u lut edhe para memorialit të Nënë Terezës.
Papa u rrethua nga motrat e Nënë Terezës në lutjen para memorialit të ndërtuar mbi mbetjet e kishës ku murgesha me origjinë shqiptare ishte pagëzuar në vitin 1910.
Më pas kreu i Selisë së Shenjtë do të drejtojë një meshë në përkujtim të Nënë Terezës.
Vatikani njoftoi se Papa do të takohet edhe më përfaqësuesit e shoqërisë civile dhe të trupit diplomatik, si dhe me udhëheqës fetarë e njerëz të varfër. Meshën që do të drejtohet nga kreu i Kishës Katolike Romake, sipas autoriteteve pritet ta ndjekim rreth 15 mijë persona në sheshin kryesor të Shkupit, jo vetëm nga Maqedonia e Veriut, por edhe vende tjera që janë akredituar për të marrë pjesë në aktivitetet e atit të shenjtë.
Shkupi është blinduar nga masat e sigurisë, me angazhimin e qindra forcave policore dhe ushtarake e gjithashtu njësive special anti-terror.
Rrugët ku pritet të kalojë Papa, janë bllokuar që të hënën.
E marta është shpallur si ditë pushimi për të shmangur rrëmujën.
